JPEX案｜莊思敏損失50萬 唔敢再做投資：一蚊都唔會攞出嚟
撰文：吳子生
出版：更新：
莊思敏今晚（2/11）現身旺角出席企業品牌頒獎禮。被問到捲入JPEX 詐騙風波，精神有否包受煎熬？莊思敏受訪時表示：「其實而家心情都冇乜嘢，正常咁工作，而之前我都係聲名中都講咗，都係協助調查，而我又將我所知嘅嘢都交代咗，而成件事真係唔關我事，因為我唔牽涉當中，所以都唔擔心。（今次事件你損失50萬，會唔會敢再做投資？）我而家係唔敢再做投資，我係一蚊都唔會攞出嚟。（驚唔驚追唔到嗰50萬？）都驚㗎，都只能夠等結果。（會否日後關於推廣嘅項目都唔做？）我諗呢件事係一個教訓，變咗以後接嘢做，都要了解嗰間公司背景先。」