苑瓊丹爆直播帶貨多違禁詞 原來連「最乜乜」都唔講得

苑瓊丹早前接受01娛樂《矚目配角》專訪，表示暫時息影全力進軍直播帶貨，她表示距離成功還有很遠的路，但對於直播帶貨已有一定認識，尤其是違禁詞，在直播時一說違禁詞立即黑畫面，她試過直播時，助播不小心說了「減肥」立即被停播。

矚目配角｜苑瓊丹宣布息影：我要征服直播帶貨

原來除了減肥之外，還有一些詞語是不能說的，她說：「有指引話你聽嘅，譬如「第一」唔講得，我哋就會做個手指公手勢，「美白」呢個詞語都唔講得，因為佢哋(抖音）會detect到，我哋就會指住自己塊面問觀眾「想唔想要豆腐嘅顏色呀？」呢啲咪要自己諗去創作囉。」

直播帶播違禁詞非常多，要在直播時記得相當困難，但苑瓊丹視為挑戰還覺得好玩，她說：「脫髮都係唔講得，咁我咪話『有無發覺瞓醒覺，啲頭髮第二朝離家出走呢？』好簡單啫，「最」呢個字都唔用得，佢哋覺得呢個係誇張嘅形容，你可以講天花板或者用屋頂，如果價錢好低，我哋唔講低，用地板去形容，你覺得唔夠，講地府價，我直頭用地獄價錢去形容。」內地直播帶貨果然係一門博大精深的學問。