港人在北京｜陳展鵬爆小豬比學嘢快 用普通話同姐姐鬥嘴
撰文：吳子生
出版：更新：
陳展鵬今日（31/10）現身荃灣出席無綫劇集《香港人在北京》宣傳造勢活動。提到總監製鍾澍佳爆料指劇組在內地等候隔離期間，隔離令突然提前十日取消，令他大失預算，要為所有演員安排活動，約齊玩密室逃脫。又指陳展鵬開工帶埋一家大細，成家好似去旅行，又指小豬比起初連一句普通話都不懂，到走的時候，滿口流利普通話。
陳展鵬接受《香港01》訪問時表示：「小豬比佢本身係唔識講普通話，我哋喺酒店隔離期間，我哋唔可以出外食嘢，變咗我哋需要叫外賣。有次有外賣送到，我聽到小豬比佢講嘅第一次普通話「你等一下」，令我覺得好意外。因為頭兩個月佢係唔講，直頭係有啲抗拒，話點解要講。不過佢學嘢真係好快，係叻到可以同姐姐用普通話鬧交鬥氣，見到佢我覺得好好笑。搞到而家小豬比好鍾意同我出外做嘢，如果配合到，我都想帶埋佢一齊去，可以畀佢見識多啲，令到佢可以快啲成長。」