鄭詠謙新加坡拍戲難忘與朱咪咪合作　同崔碧珈做Gym惹女主角呷醋

吳岱融、朱咪咪、鄭詠謙和崔碧珈與來自新加坡、馬來西亞、和菲律賓各地區演員合作的《小販之王》，預定2024農曆新年檔期上畫。日前電影殺青，飛去新加坡拍攝一個月的鄭詠謙就提到最難忘與前輩朱咪咪合作，他講道：「第一次同咪咪姐合作，咪咪姐自己都話好耐無拍戲，多少都有壓力，我同佢嘅對白仲要係又華語又粵語，不停轉換channel，不過咪咪姐依然好玩得，一齊拍下搞笑片，又扮佢講金句。」

鄭詠謙更透露雖然未有與崔碧珈演對手戲，但二人就有相約做Gym：「之前幕後就安排咗我哋兩個香港人見面，佢係戲中做個大咗肚嘅小三角色，佢一開頭仲以為個對手就係我，但其實我同佢一場對手戲都無，但我哋係新加坡住嘅地方一樣所以都會約下做運動陪佢保持美好身段。但女主角表示呷醋，所以要我殺青都去片場探班教佢粵語。」看來，鄭詠謙都非常有市場。