湯唯爆被老公金泰勇靠「一嚿木」追到手：問我可唔可以做佢女朋友

湯唯今日（27/10）現身中環出席著名珠寶品牌活動，湯唯受訪時表示：「其實自己都好鍾意珠寶首飾，如果有特別嘅款式又容易襯衫嘅我都會買，然後用嚟收藏。（老公有冇送過名貴珠寶畀你？）其實我而家係會成日帶住佢送畀我嘅一個首飾，而呢個首飾係一塊沉香木頭，因為當中係有一個好深層嘅意義，就係喺佢追我嘅時候佢送畀我，當時佢送呢樣嘢畀我嘅時候，問我可唔可以做佢女朋友，就係因為呢塊木頭佢就成功追到我。（有冇用飾物盒裝住？）冇呀，我係四周圍擺，係因為我成日要帶嘅原因，所以我就冇搵嘢裝住佢。」

被問到最想拍什麼類型的電影時，湯唯表示：「其實咩戲種都等，最緊要睇到個劇本，係會令到我心動同埋導演覺得我啱咩都可以。（如果再拍港產片，尺度會唔會大過《色戒》？）我覺得第一位劇本行先，因為我覺得而家真係好難得先會有，希望快啲會有。」