J2ers黃紫恩自爆曾遭髮型師Me Too 不忿：佢係貼住掃晒成個胸口
撰文：陳釗
出版：更新：
J2清談節目《不正常愛情研究所》今晚（19日）播出一集，研究題目為「失戀剪頭髮定律」。節目中，主持之一的黃紫恩（Jojo）提到有次失戀，懶醒自己剪了「楊丞琳水母頭」髮型，但事後非常後悔，她說︰「左右剪咗兩束頭髮，仲要讕勁將束頭髮相放上IG Story，寫住『新的人生開始』，勁後悔。」另一主持陳國麟則突破盲腸，踢爆Jojo後悔原因：「係咪發覺無乜like呢？」
Jojo又自爆在大學時期，曾遭到髮型師Me Too掃胸，她憶述時仍忿忿不平︰「有位朋友嘅朋友係髮型師，話會sponsor我哋一班女仔剪頭髮。第一次上去嘅感覺已經唔舒服，正常梳長頭髮時，都會拉離身梳同剪，佢係貼住掃晒成個胸口。俾佢整咗一下，第二下我就彈開話『太貼喇』。」
不過事件還未完，當Jojo以為該髮型師會收手，豈料臨尾剪完，他兩隻手再在胸前掃多一次，在場各人表現憤慨，認為已構成非禮罪，Jojo無奈說︰「佢明顯係慣犯，唔係第一次咁做，完全做得好自然。」