羅密歐與祝英台｜陳豪陳茵媺相隔十年再合體拍劇有火花：好多愛

陳豪（阿Mo)和愛妻陳茵媺（Amy)昨晚（14/10）現身尖沙咀出席無綫新劇《羅密歐與祝英台》宣傳活動。被問到二人相隔十年再度合體拍劇，有否擦出火花？阿Mo突然情聖上身，在愛妻Amy面前大講冧話，表示有好多愛：「因為羅密歐與祝英台兩個都係講愛情故事，咁所以好多愛囉，哈哈。」

此外，阿Mo早前透露過在家不會讓子女開電視機，認為電視節目內容未必啱小朋友收看。被問到今套劇集會否大開錄燈讓一家人收看？Amy表示：「我諗某啲場口就可以嘅，因為有啲劇情會比較血腥，同埋驚睇到一啲親密鏡頭唔知點樣同佢哋解釋好。咁所以都會選擇一啲含當嘅嘢畀佢哋睇。」阿Mo接著說：「我就好想佢哋睇，因為始終媽咪都好耐冇拍劇，咁所以都想佢哋支持吓媽咪。」