何家勁內地搞食品生意傳身家過億 笑謂：核桃唔食就過億
撰文：吳子生
出版：更新：
現年63歲何家勁憑電視劇《包青天》展昭一角紅遍兩岸三地，更被譽為「最帥展昭」。其後漸漸淡出幕前，轉戰內地從商，與好友一起經營健康食品生意「勁家莊」，愈做愈有聲有色，更有傳他身家上億，已是億萬富翁。今日（12/10）何家勁現身紅磡出席「香港明星隊x榕江村超聯隊」足球邀請賽2023新聞發布會，他在接受《香港01》訪問時就避談身家過億的傳聞：「啲核桃唔食就過億啦！我哋今日講踢波OK。」
「香港明星隊x榕江村超聯隊」足球邀請賽安排在11月11日香港大球場舉行，提及今次對戰，何家勁就表示：「上次作客雖然贏4比3，小勝一球，今仗我哋知道對方係會強陣復仇，咁所以我哋唔能夠鬆懈，因為學阿叻話齋我哋隊波係唔輸得嘅。（會唔會做班主搞隊波？）做班主呢樣梗係由叻哥去做啦，其實本身我真係鍾意足球，頭先我哋都講，我哋8歲就開始踢波，我希望將足球推廣出去。」