JPEX｜鄭雋熹涉案被捕　吳子冲：唔相信佢做呃呃騙騙嘅嘢

吳子冲昨日（5/10）現身將軍澳電視城出席無無綫劇集《羅密歐與祝英台》之「為你鍾情」花車巡遊活動。對於同期藝員訓練班好友鄭雋熹涉及JPEX案件被捕　，被指是詐騙集團成員，而警方更在元朗南坑村拖走一輛價值180萬港元的白色保時捷，相信為犯罪所得的財產。

吳子冲接受《香港01》訪問時表示：「其實我好幾年都冇同佢聯，但尋晚食食吓飯見到佢被人拉嘅時候，我係好愕然，但我就冇問佢發生咗咩事，相信佢而家到有好多事要處理，咁所以都唔想打擾到佢。（覺得佢為人點？）我同佢係同期訓練理嚟，喺訓練班中佢算係一個有小智慧嘅人嚟，而佢係一個好勤力又唔懶嘅人嚟，而且又有好多諗法嘅人嚟，咁所以我唔覺得佢會做一啲高風險嘅嘢。（之前知唔知佢做加密貨幣？）之前我係有睇到佢YouTube拍嘅片，先知佢做呢樣嘢。（佢有冇叫你投資？）咁又冇。（點解咁多年同佢冇聯絡？）可能我哋喺公司嘅緣份冇咁夾，因為我同佢好少一齊拍一套劇。其實到而家我都唔相信鄭雋熹會做一啲呃呃騙騙嘅事。」

吳子冲今日出席新劇宣傳活動。（胡凱欣攝）