游嘉欣被指泊到有米男友忽然周身名牌：邊度竄出呢個人

游嘉欣今日（5/10）現身將軍澳電視城出席無無綫劇集《羅密歐與祝英台》之「為你鍾情」花車巡遊活動。提到被指搭上圈外有錢男友K先生，忽然富貴周身名牌，由衫、褲、鞋、手袋件件價值過萬元，貴氣十足。

游嘉欣接受《香港01》訪問時笑說：「我得嗰幾件嘢，就話周身名牌，咁就不得了啦。其實咁嘅，有啲係家姐送畀我嘅生日禮物嚟嘅，因為我有個好家姐。（竟然搬埋家姐出嚟！）係真㗎，喺好耐之前我都同大家講過我生日，家姐係送咗個手袋作為生日禮物。（咁有男友嘅事又係真嘅！）其實有男友呢件事就冇嘅，而家嘅感情生活都係比較空虛嘅，好可惜大家係仲有機會嘅。（擔唔擔心呢啲報道出街後，令男仔唔敢埋你身追你？）其實當我睇到報道話我有新男友，我心諗點解會咁搞笑，邊度　竄出呢個人，心諗有得佢，都無乜所謂，緣份呢啲嘢有就有，冇就冇。」