林穎彤舊愛伍富橋與現任鄭雋熹屬波友關係　聞二人被拘捕：估唔到

林穎彤（Bella）被爆出與捲JPEX案的29歲TVB藝人鄭雋熹為戀人關係，二人早前因公眾地方行為不檢，一同被警方拘捕及落案控告，案件早前已於屯門法院提堂，延至明天（6日）再訊。而林穎彤的舊愛伍富橋與吳業坤今日（5日）齊以籃球員身份到葵涌一間中學出席VR1籃球隊的友誼賽，伍富橋更指與讀者一樣看新聞才知林穎彤的新戀情。

被問道認不認識鄭雋熹，伍富橋指：「同個男仔都有合作過，打過一次波，波友同事關係。（佢個人OK？）唔評論啦，都有5年無聯絡過。（睇到新聞知佢同前女友被補驚唔驚訝？）又唔太驚訝，反而係估唔到，不過大家都好耐無聯絡。」對於前女友明日再上庭，伍富橋回應：「唔使我擔心，好多朋友擔心佢，我同佢都過咗去，都唔方便講太多。（有報道話佢忽然富貴？）人哋嘅事唔回應喇。（話佢媽咪都唔簡單？）又唔好講埋人哋屋企人，始終都隔咗一層。」至於有沒有投資JPEX，他指：「冇呀，我個人比較實際，腳踏實地做生意，因為對數字唔敏感，對投資零知識。」

點撃下圖睇林穎彤更多富貴LOOK：