大AL張武孝自爆踩單車出意外受傷急送院：要全身麻醉托返個骹
撰文：吳子生
出版：更新：
70年代歌手張武孝（大AL）是玉石樂隊主音，上世紀憑其獨特沙啞唱腔走紅樂壇，後期作個人獨立發展，經典作品有《發你個財財》、《我的歌》及《鬼叫你窮》等。今晚（3/10）大AL現身尖沙咀文化中心出席音樂劇演出。
大LA透露早前踩單車時發生意外受傷入院：「早喺20日前自己踩單車一時大意唔小心炒車，右邊身落地，搞到個膊頭甩咗骹，要即刻Call白車入院，仲要全身麻醉托返個骹，不過而家都仲痛緊。（點解咁唔小心，係咪掛住𥄫女？）哈哈，我都想。都係自己一時大意唔小心。不過經過今次決定以後都唔踩啦，因為畀太多屋企人鬧，始終我咁嘅歲數真係唔跌得。其實早4年前，我踩單車被人撞到斷骨，又係要搞到入院，之後成個月先康復，咁所以經過呢兩次教訓，我都係決定唔踩單車。」