Phoebus傳背女友偷食ViuTV美女　強烈否應：好難同大家詳談

P1X3L成員吳啟洋（Phoebus）早前被指背住拍拖5年的女友Jaime（張天穎），撻着《全民造星IV》出身的許寶恆（Alice）。Phoebus 今早（28日）出席藥妝店剪綵後，接受訪問時承認與Jamie 分手，但否認當中涉及第三者。「感情狀況我不嬲都唔想講出嚟等大家公開討論，但我同Jamie 係分開咗。（分咗幾耐？）分開咗一段時間。（原因係？）係我哋兩個人之間嘅問題，唔涉及第三者，好難同大家詳談原因。」提到遭Jaime unfollow ，是否再見不是朋友，Phoebus 說：「我自己都未消化到，發生啲咁嘅事自己都唔好受，佢要點做係佢選擇，我唔會再評論或者點。」

Phoebus一再強調不涉及第三者，並指報道會有不少令人誤解的地方，問到是否與Alice 一齊，Phoebus 表示：「係，我哋（係一係咗？）唔係，我頭先都講得好清楚，我哋係好朋友。（咁有係一齊喺慶功失蹤？）我哋兩個同大家一齊玩，全部人連埋crew一齊玩到好夜。（一齊去廣州玩？）我覺得成件事起因就喺呢度，好難得有幾日假，同朋友出trip 諗住散心，於是就發酵咗件事。其實係有4個人去，大家睇到報道覺得遮遮掩掩、變成得兩個，但個trip係4個人去，而點解有呢個組合係因為一齊拍《飛黃騰達》，大家有個group會一齊傾偈、打機、跳舞。」問到與Alice 可有發展空間 ，Phoebus 表示剛推出完團歌，緊接要錄自己新歌，表示自己工作很忙。「我未做到時間管理大師，做好工作先啦。」

Phoebus表示曾想過公開4人合照，但又諗到將來自己可能會面對各種各樣嘅新聞，所以想學識「點沉得住氣」，他又認為不實嘅事情，愈講只會愈延伸，「因為你講人定只會覺得你解釋，咁我覺得朋友出trip無咩再解釋，變到咁我都幾無辜。」他又拍報道出街後，有與Alice互相關心，又表示對對方感到抱歉。