愛回家｜莊思敏捲JPEX風波　楊明不擔心罷看︰如果鍾意就準時收看

TVB處境劇《愛回家之開心速遞》今(27日）舉行「開心迎中秋」宣傳活動，在劇中飾演沙湯遠的楊明，提到今晚劇情以他為主，在接受《香港01》訪問時，問到擔不擔心觀眾罷看，他就表示：「其實擔心唔到咁多，如果鍾意就準時收看，如果唔鍾意可能自己搵啲鍾意嘅嘢去做。」強調做好自己本分，帶歡樂給大家就足夠。

另外，提到女友莊思明的姐姐莊思敏近來捲入JPEX風波，問到有否關心對方或就事件傾談，他二話不說：「呢方面嘅嘢我哋冇去傾，因為涉及好多學嘢好多人，我哋私底下都冇傾呢啲嘢。（自己有冇投資？）有呀！股票嗰啲就有。（有冇被人呃過？）我都係自己玩股票，通常涉及唔到朋友或其他人去欺騙。」揚言自己會親自去控制投資，而對Jpex一事亦感複雜，不太清楚發生什麼事。

最後問到中秋佳節將至，有何慶祝活動時，他就表示：「今年同屋企人食盆菜，應該可以玩番一晚。（思明會一齊？）佢都會一齊，佢而家喺馬來西亞今晚會返嚟㗎啦！」