張曼玉59歲自爆想學做製作人　大曬拍攝花絮爆喊拭淚多謝團隊

影后張曼玉（Maggie）淡出幕前多年，近日終於復出為美妝品牌拍廣告，片中她優雅地坐在外國咖啡店內寫信，又仰頭望向玻璃窗外人來人往的風景，靚女又有文青氣質。片中張曼玉大曬凍齡不老嫩膚，59歲仍Keep到白滑無瑕，是真正優雅地老去的典範。

點擊睇張曼玉出山拍新廣告：

張曼玉今日（21日）更新社交網，分享拍攝感受。片中她坐在車上，首先感謝天時地利人和，她雙手合十說：「第一，個天氣，多謝個天幫晒我哋。」並連番對個天講多謝。車上同事笑言指同張曼玉合作似放假般輕鬆，張曼玉之後說：「如果我想學做製作人，我做到呢個感覺畀我嘅團隊，我覺得我係好驕傲。」

張曼玉指雖然只是三人團隊，一人做三人工作量，但感謝大家好落力幫手。話及至此，張曼玉忍不住感動落淚爆喊，拿起紙巾拭淚。最後張曼玉又可愛地用手擺出品牌英文名，又開心同同事一齊唱歌。