《不懂撒嬌的女人》Saving白等兩年　王浩信：遺憾是最刻骨銘心

一連27集《不懂撒嬌的女人》昨晚終於播完，睇埋最後的彩蛋，大家感覺如何？相信有部分觀眾看到最後都會...叫出聲。叫囂的聲音此起彼落，大概因為Saving哥一直尋尋覓覓，展開與Cherry的持久戰，苦等了足足兩年！但兩人其後在銅鑼灣再相遇，Saving卻發現「新娘結婚了，新郎不是我」，最後Cherry仲要用有紀念價值的10蚊硬幣，買Saving人生第一條的自製手帶...即係掟煲費得十蚊，sad。再看回ICQ的訊息，寫道：「係我呀！我終係35歲前結婚啦，唔使嫁畀你喇！初戀男朋友！」Saving當然崩潰，睇見都替他心酸。

有網民眼見Saving喊到咁傷心，可能不只因為Cherry嫁給他人；而是為了一個女仔，願意花兩年時間，在同一地點影相畀對方睇，以為可以一心打動到對方，誰不知對方只在乎時間及年齡這些數字，趕上尾班車，然後再告知一無所有、勉強來說是略有成就的對方，自己已經安穩達陣。作為一個正常男人，就會不禁仰天長嘯，自問一句：「點解到最後，你都只係一個為結婚而結婚嘅女人？」

睇完有啲氣咳，之後TVB為了安撫大家的心，隨之追加一個彩蛋。兩人在老地方再遇上，眼見Cherry沒有戴上戒指，只戴了Saving的手帶，然後說了一句：「望多5秒會唔會有事發生？」Saving回了一句：「係囉，望多過5秒會唔會少咗忽肉？」之後一個sharp cut。有網民就話，Cherry這樣做，是浪費Saving的時間，表示：「男人嘅時間就唔係時間？」兩年又兩年，其實男人都有青春。似乎大家都不太滿意結局安排。