JPEX｜莊思敏被嘲「返嚟自首坐少啲」　FB回覆被轟囂張

虛擬資產交易平台JPEX近日被證監會點名無牌經營，大馬拿督千金莊思敏曾拍片介紹JPEX，事後莊思敏透露投資了6位數，自稱是JPEX苦主。現她身處馬來西亞，昨日（18日）有報道指警方本鎖定另一娛圈人士 ，但因其身處海外而未能拘捕，莊思敏旋即成為頭號嫌疑人之一。昨日（18日）林作被捕下午，莊思敏曬出大馬家中睇電視照片，又風騷出席朋友升小學宴會，大曬愛馬仕手袋。

網友湧入莊思敏Facebook最新影片下留言，有人貼出大馬及香港移交逃犯協定，揶揄莊思敏「返黎（嚟）自首坐小（少）D（啲）」、另一名網友亦留言指：「魚蛋媽今次返去萬國城做都唔掂啦…都係快啲返嚟自首啦…」莊思敏兩則留言都以笑喊Emoji「🤣」回應，又透露仍身處大馬。

莊思敏回應被Cap圖放上討論區，有網友發文指：「點解莊思敏可以咁X串？」又不滿莊思敏回覆，「仍打🤣🤣🤣🤣即代表咩意思？犯左（咗）法呃X完人，當香港警察係白痴 無法無天 平時東張西望咪好鍾意訪問既（嘅），幾時打去比（俾）莊思敏問幾時返香港呀」。