孫佳君認與ERROR合作好開心 透露正籌備電影︰會講母愛偉大

撰文:蘇國豪
出版:更新:
久未出席公開活動的孫佳君,昨晚(16日)罕有現身《東方女神2023》選美活動,現年49歲的她身材纖瘦,五官精緻,整個人狀態非常好,完全不輸時下年輕女明星。

在接受《香港01》訪問時,提到為男團ERROR拍攝MV感受如何,她就表示:「太好玩啦好開心,因為同啲後生仔一齊拍嘢,俾我諗番好似我以前啱啱入行嗰時,好開心一路喺度講笑,同埋佢哋講嘢好好笑。(椅子舞練咗好耐?)學咗一堂個半鐘,我哋排嗰時張凳好細,去到現場就好高好好難跳,我覺得係高難度。(會唔會激發到你想出番幕前拍攝?)會㗎,我而家喺度籌備緊一套電影,已經有個故事。(會想喺邊度拍?)會喺香港為主,(咩型別電影?)有啲勵志。」
孫佳君透露電影主旨是在講母愛的偉大,問到會否揾兩個囝囝參與拍攝?「我諗佢哋唔肯。」另外,孫佳君亦談到可以再參與多一些幕前工作:「我好想拍劇,可唔可以多啲人揾我拍劇,電影我都好想拍。」希望能有更多代表作。