胡定欣正籌備美國演唱會　強調感情事順其自然︰有啲嘢操心唔嚟

視后胡定欣昨晚（16日）出席《東方女神2023》選美活動，身穿平口黑色晚裝的她高貴優雅，訪問時便談到「胡說八道會」美國演唱會。

胡定欣接受《香港01》訪問時，問到現階段「胡說八道會」演唱會準備如何時，她就表示：「其實都係籌備當中，我哋希望可以盡快落實多啲細節，咁就可以真係一齊同大家分享。（歌單會偏向咩類型？）仲籌備緊，因為始終有咁多個藝人係唔容易，希望我哋可以盡快清楚整個細節內容一齊同大家講。（會唔會有跳舞？）到時定好晒話俾大家知。」

另外，提到日前一班「胡說八道會」姐妹們為其慶祝生日，大家吃飯之餘又唱卡拉OK，問到她們有否介紹男性朋友認識呢？她就表示：「佢哋唔理我㗎啦！佢哋由我自由發揮，咁多年佢哋都知道我性格會好好照顧我自己，有啲嘢操心唔嚟。」表明感情事順其自然就好。