67歲戴志偉被爆背妻偷食後銷聲匿跡　現況擁巨型眼袋極憔悴

現年67歲有TVB「御用奸人」之稱的戴志偉多年來在劇集中飾演負心漢等反派角色，直至2011年，戴志偉離開服務30年的TVB後轉行做保險，任職分區高級經理。不過2020年4月戴志偉突然被爆背妻偷食，搭上2016年入職的年輕女同事Candy，有傳媒影到兩人在淺水灣密會，更十指緊扣手拖手沙灘漫步，期間他們有講有笑，女方更不時向男方撒嬌，表現親密。

事後面對記者追訪時，戴志偉情緒十分激動，不但用手機反拍現場記者，更爆粗發難，而他在接受《香港01》訪問時亦避談出軌一事：「知道連日嚟記者手足採訪我好辛苦，當日我的確係衝動咗。（點同家人講？）而家所有嘢都處理當中，有消息會再通知大家。」之後就匆收線。而戴志偉自此近乎銷聲匿跡，作風低調。久未公開露面的戴志偉近日隨香港明星足球隊到內地出戰再度曝光，一身運動造型的戴志偉與粉絲合照時眼袋非常大，看起來比同年紀的人蒼老、憔悴。