方紹聰行山興奮捕獲發哥　第一句居然講呢啲

36歲的「奶仔」方紹聰近年在無綫獲得不少機會，既有幕前演出，又有參與幕後製作。拍劇方面，藝員訓練班出身的奶仔，由跑龍套一步一步努力演到上做男配角，當中他與變態角色好似特別有緣，加上演繹神似，有「御用變態佬」之稱。至於J2節目《野外步出》便是奶仔有份監製，而且有不錯的成績和口碑，成為代表作。

工作以外，奶仔熱愛野外步行，試過舉辦慈善步行活動，赤腳圍繞港、九、新界步行一圈共180公里；日常也有行山習慣，近日，就被他行山時遇到親民影帝周潤發（發哥），發哥身穿一身標誌性全黑Look，奶仔當然把握這個可遇不可求的機會集郵，自拍照例牌由發哥操刀，奶仔即趁機雙手攬實發哥。

事後奶仔更在社交平台分享兩張合照，並留言：「行咗十幾年山，終於遇到發哥。一見到發哥即刻同佢講：發哥，我都係訓練班出嚟㗎，可唔可以攬住你影幅相啊？臨走再同佢講：發哥，得閒睇吓我個節目啊，應該啱你睇㗎，叫做『野外步出』。」並連氣附上30個Tag，可見他當刻興奮之情。大批網民表示羨慕，更有人提議奶仔開拍《野外步出-發哥篇》。