傅珮嘉英國晨跑遭黑衣人搶手機留陰影：見過鬼怕黑

傅珮嘉（Maggie）今日（12日）現身圓方出席《The Asylum 3》展覽會，Maggie受訪時表示：「其實我哋搞呢個展覽係一個跨感官嘅藝術展覽，好多人入到嚟係見唔到會有畫，就好似國王的新衣咁，當市民入到嚟睇嘅時候，佢哋會放大視覺，同埋會行近牆身會仔細咁望去觸摸，而且呢個展覽仲會播放音樂，同埋會有香薰味道，等入到嚟嘅朋友都會透過視覺、觸覺、嗅覺、聽覺及味覺呢五感去感受。」

提到早前在英國晨跑步遭黑衣人搶手機險出意外，Maggie表示：「嗰件事發生咗之後，無論咩地方都好，我而家唔敢再喺嗰啲時間去跑步，唯有等多人安全嘅時間先去跑。財物唔見咗事小，我最怕個人會受到傷害，經過件事之後，見過鬼怕黑，以後跑步都要注意人身安全。」