張致恒剛成四子之父感觸良多　突發宣布︰做咗一個重大嘅決定

張致恒（Steven）和太太雯雯區燕雯一時糖黐豆一時水溝油，多次離婚邊緣又再宣布懷孕，被封「生仔界/離婚界KOL」。細仔天樂日前剛出世，雯雯仍相當虛弱，9月12日STEVEN突然預告有重大事情宣布令人霧裡看花。

STEVEN近年一直被雯雯公開指責「又廢又無用」，近期未知是否再做人父的起心肝，再度活躍打工經常被野生捕獲。9月12日Steven分享抱住其中兩個兒子的照片，留言預告︰「多謝大家對我嘅支持同鼓勵，好榮幸可以做四個兒子嘅爸爸，呢幾年亦都有好多感受，所以經過深思熟慮嘅思考，做咗一個重大嘅決定，聽日我就會喺Ig度同大家公布﹗」