長江7號｜徐嬌爆同周星馳食飯敘舊　感激對方照顧：好似朋友咁

憑周星馳電影《長江七號》中反串男孩一角而爆紅的內地女星徐嬌今日（9/9）現身銅鑼灣出席《長江7號》天外飛仙15周年慶典揭幕禮。徐嬌在接受訪問時表示：「其實我來活動之前，我同星爺見過面仲食咗個午飯，呢餐飯全部叫嘅餸都係肉，例如有叉燒同埋雞，同埋有燒肉同皮蛋，我係食到好飽。其實喺叫餸前，佢都有問我想食乜，我就話又佢話事，咁所以啲餸都係又佢點。我同星爺都好耐冇見，耐到連自己都唔記得，大家一見面，就好似老朋友嗰種感覺一樣，因為小時候同佢拍戲嘅時候，星爺好尊重我，佢會把我當成小朋友照顧，所以就好似朋友嗰種一樣。」

對於早前在社交平台大派性感福利照，卻被網民炮轟衣着過份性感没美感，徐嬌就霸氣回應：「我覺得無須大驚小怪，其實我着衫就冇講究，我鍾意着咩衫我就着咩衫，我係好隨意。」