港姐亞軍王怡然是非纏身苦口苦面出席活動　莊子璇：我諗佢OK嘅

今屆港姐亞軍王怡然早前被大批內地苦主於網上踢爆其父母經營的補習社倒閉後，涉嫌拖欠薪金及捲走補習費過千萬，引發軒然大波。在王怡然當選港姐亞軍後，一眾苦主紛紛湧入小紅書爆大鑊，直斥王怡然父母是騙子，並有計劃地挾款逃到香港，更展開富貴生活，不但將他們的血汗錢為女兒王怡然供書教學，更以3萬元月租豪宅，提供優質生活。一眾苦主更強烈聲討向王怡然討債，迫使王父現身還錢。

今日（9/9）王怡然出席港姐宣傳活動依然採取「封口」的態度，拒接受傳媒訪問，因此大家就向冠軍莊子璇（Hilary）身上追問，她受訪時表示：「咁我又唔係代佢嘅，因為本身呢啲工作職責我哋都係要做，我都係做返自己要做嘅事。（有冇開解王怡然？）我諗佢OK嘅。（會唔會約佢出去玩吓散心？）我諗玩吓就會少啲，因為真係冇乜時間。（知唔知佢而家個感受係點？）我哋好少去講呢啲，因為一般都係講啲開心嘅嘢多。」