42歲朱慧敏宣佈懷孕8個月　拍攝全裸孕照11月迎接新生命

恭喜恭喜﹗現年42歲的04年港姐亞軍朱慧敏（Queenie），2021年下嫁心臟科權威陳良貴（Jason）醫生後，原來已造人成功，更已懷孕8個月﹗

朱慧敏自結婚後，慢慢淡出娛樂圈，轉在網上孖老公陳醫生開直播，講解醫療知識形象專業。她曾在出席活動時指夫婦2人積極積極養生準備造人：「其實我同醫生都好鍾意小朋友，又咁啱疫情又去唔到旅行，就諗不如索性將生B計劃提前。（每晚不設防？）我想講嫁咗佢之後，先發覺原來醫生工作真係好忙，因為佢好多時要睇症同埋為病人做手術，咁所以變咗我真係要同醫生佢度期，係要同佢預約先得，其實我同佢本身真係有心有力㗎！」

據報導指Queenie今年三月初發現造人成功，現已懷孕8個月，預產期在今年11月，本身打算等到BB出世先公開好消息，但因為巨肚開始遮唔住，食飯時都會頂住張枱固分享喜訊，但BB性別仍保持神秘感。Queenie早前陀住BB與老公到瑞士旅行，又到影樓拍攝一輯全裸孕照留下美好回憶。