鄭希怡應采兒黃伊汶帶埋仔女聚會　梁浸浸Jasper陳真由細玩到大

鄭希怡（Yumiko）、應采兒、黃伊汶（Emme）三人差不多同期出道，不過就未有成為競爭對手，反而成為圈中好閨蜜。早已升級做媽媽的她們，連仔女都成為好朋友，日前三人帶埋仔女一起聚會，Yumiko在IG曬出合照，並寫道：「Cheers!」三位靚媽不約而同地戴上Cap帽，樣貌與出道時都分別不大，依然又靚又Fit！

而Yumiko囡囡梁浸浸、應采兒囝囝Jasper、Emme囝囝陳真亦對着鏡頭大擺Pose，三個小朋友難得相聚都十分開心！Jasper同梁浸浸因參加內地親子真人騷而爆紅，風頭甚至比星爸星媽有過之而無不及！而陳真遺傳了爸爸的武術天分，自小已經學功夫，絕對是有板有眼。早前Emme同Yumiko更帶埋囝囝囡囡去睇容祖兒演唱會，陳真同梁浸浸都完美遺傳了父母的優良基因，一個靚仔，一個靚女！