楊貫一設靈｜黎燕珊感慨生前未能見多一面：好耐都約唔到
撰文：吳子生
出版：更新：
5
0
1
0
0
著名國際大廚楊貫一上月31日因病離世，享年90歲。喪禮今日（25/8）於香港殯儀館設靈，讓親友作最後悼念。旁晚6時許黎燕珊現身靈堂作最後道別，她受訪時表示：「其實我同一哥佢都識咗一段時間，佢老人家好隨和，成日都會教我哋人生嘅道理，除咗學整鮑魚之外，其實都喺佢身上都學到好多嘢。咁所以我綵排完舞台劇，都即刻嚟同阿一哥作最後致敬。（同一哥幾耐之前見過面？）其實都有年幾前啦，而我都有聽聞佢身體都唔係太好，只聽到佢嘅家人話佢要多啲休息，但不過佢都好有心，成日都話想同我哋啲後輩食吓飯見面，但好可惜好耐都約唔到。」
