莫少聰事隔23年重返TVB 御用梁寬你仲記唔記得？
近年TVB不斷找舊人回巢拍劇，好似已經成為一種風氣。今日又傳出已經離開了香港演藝圈一段時間的莫少聰會在今年年底重返TVB拍劇，實行繼續搵老將撐場！唔講大家可能唔知，原來阿聰曾經在無綫電視拍過兩套劇，所以先叫回巢，分別是1988年的《義薄雲天》和1994年擔正做主角的《新父子時代》，距離現在都已經相隔了23年。
莫少聰初出道時以一臉帥氣而深得觀眾愛戴，除了在電視劇發展，他主力是出演電影。在1983年第二部電影《武林聖火令》中，因其出色的表現就得到了第三屆香港電影金像獎最佳新人獎的提名。幾年後的電影《最佳女婿》飾演第一男主角，同戲的張學友和周星馳只能做他的陪襯，當時可謂他最風光的時候。同年亦憑《中國最後一個太監》入圍第24屆台灣金馬獎的提名，不過相信他最令人留下印象的角色是《黃飛鴻之二男兒當自強》中飾演梁寬一角，並且亦都獲得台灣電影金馬獎最佳男配角的提名。
不過好景不常，用梁寬呢個朵拍多兩部電影之後就無力再向前，之後就開始北上發展拍劇。在大陸雖然未算風山水起，不過每年都有一部劇出，又間中拍吓電影，都算過得去。點知2011因為在北京吸食大麻遭公安逮捕，雖然有傳係被陷害，不過大陸依然將他列入黑名單，之後雖然拍過兩部電影，自從2003年拍完《小心沒有影子的人》便再沒有出品，就好像消失於娛樂圈當中。
不過上年他又重新上返娛樂版，不過就唔係因為拍戲拍劇，而係因為同舊愛洪欣嘅感情事。講返呢段舊事，當年二人相戀係公開的事， 2000年洪欣未婚懷孕，在加拿大誕下一子莫鎬廉（現名張浩鋒），但是當時兩人已經分手，有傳莫少聰不肯承認兒子與結婚，最終兒子由洪欣獨力撫養。多年來兩人都極少談論此事，點知上年阿聰突然在微博重提舊事，而且仲係咁鬧舊愛，當時他在微博這樣說：「感情的事，大概是當局者迷，旁觀者更迷。愛與不愛，終究都是愛過的。愛的時候，狠狠愛用力愛，不愛的時候，就算無心祝福，也不妨做最熟悉的陌生人。無論如何，不要以愛的名義互相傷害，這麼多年了，我做任何事情都能見到你的人追在後面潑穢水，我離婚被你罵，撫養女兒被你罵，連做公益也要被你罵。」其實阿聰已經在2011同內地28歲女人孫雲玲結婚，生咗個女，仲喺上年離埋婚，一條龍服務。唔知佢無喇喇重提舊事係為乜呢？
其實當年阿聰真的好紅，有「大眼仔」之稱的他憑一對眼基本上已經電死不少師奶粉絲。不過事隨多年，已經55歲的他放低拍劇咁耐，真係唔知仲啱唔啱現在觀眾的口味，如果TVB真的找他回來拍劇，真係一個賭注。