前新聞部一姐麥詩敏將升人妻變富貴　夢幻低胸白紗婚照盡顯仙氣

前新聞部一姐麥詩敏自從今年宣布離巢兼封盤成為準人妻後，近月都積極轉型發展KOL事業。離開8年的主播台的她除了會出入馬場，亦不時出席產品活動，生活忙碌！

今年5月，麥詩敏到英國旅行，獲男友驚喜求婚。她憶述求婚細節：「他說今天帶我回以前讀書的地方Bournemouth行吓，行完Bournemouth Pier冇啦啦食咗張英式牛肉乾。（已入錶但無跌ticket出來所以只display了receipt）當我嬲到發火之際，佢話附近好多靚風景可停車影相，就兜左去某海灘看台，落車後我仲未燥完，我話『呢度冇咩睇，唔好行咁遠，廢事又比人抄牌』，佢就話『得架啦』。」

之後男友突然跪地，拎出求婚戒指向她求婚：「捉咗我愈行愈入，仲冇啦啦叫人幫我哋影相，原來他一早安排了朋友扮路人影相，然後這畫面就出現了，謝謝殺我一個措手不及。」即將成為人妻的麥詩敏近日亦開始公開婚紗照，可見她同時亦積極籌備婚禮。