港姐2023｜大熱莊子璇是非纏身壓力爆煲 臉部突出疹：打咗7支針
撰文：吳子生
出版：更新：
大熱候選佳麗莊子璇（Hilary）早前壓力爆煲突然出疹，最後需入院治療。今日（14/8）她照樣出席TVB《2023香港小姐競選》的泳裝記者會。莊子璇接受《香港01》訪問時承認出疹是因為壓力所致，她說：「其實嗰晚凌晨嘅時候，同屋企人傾緊偈，我媽咪發現我成塊面又紅又腫，問我發生咩事？我於是照一照鏡，連自己睇到都嚇死，跟住手同個身都相繼出疹，就飛奔去睇急症，醫生建議我留院接受治療。喺呢兩日我先後打咗7支針去控制病情，今日啱啱好消晒啲紅腫，不過而家個狀態都仲係病病哋。」
莊子璇續說：「我明白到呢排係有好多關於我嘅負面新聞嘅報道，而呢啲負評亦係我可以接受範圍之內，咁可能我個腦係咁樣諗，但我個身體就唔係咁諗。（會唔會選擇唔睇關於自己的負面新聞？）忍唔到，但都照會睇。（有人蓄意抹黑攻擊你，你會否就範退選？）我諗就算天塌落嚟，我都唔會退選。」