薛影儀親認有意中人　仍未敢向對方表白：我而家係單戀緊

現年39歲、被封為「亞視一姐」的薛影儀（阿儀），早前突然在社交平台宣布「戀愛中」，隨即掀起網民熱議，網民紛紛留言問男方身分。事後阿儀回應指：「我單戀邊個我唔方便透露啦，即係唔係公司嘅人囉，即係大家都唔好咁八卦啦，哦！好啦！Bye-bye！」

今晚（11/8）阿儀現身圓方出席電影《烏托邦浩劫》首映禮，就事件接受《香港01》訪問時表示：「我而家係單戀緊一個人，但我就唔知佢知唔知，又或者佢可能知。（鍾意佢啲乜？）呢啲係秘密。（對方靚唔靚仔？）佢都Ok。（怕唔怕男方對你冇意思？）咁又唔驚。（男方對你有咩意思？）都係一般嘢囉。」被問到對男方是否公司高層時，林寶玉就笑言：「我只可以講佢係高質數，至於佢係唔係公司高層，咩位置嘅我就唔講啦，但我都可以形容吓嘅，佢都算OK嘅，工作能力都OK嘅。不過我就覺得畀阿儀發揮一下，始終佢係第一次咁主動去表示，咁所以就畀啲空間佢去嘗試。」