吳大強太太罕除罩示人　啡色短髮外表年輕勁賢淑

TVB《中年好聲音》令一眾追夢中年人獲第2人生，71歲吳大強憑出眾歌藝及台風一炮而紅。不輸同為藝人的兒子吳偉豪，不時孖住亮相，其實吳大強與太太結婚多年，共有4名兒子，多得賢內助照顧家人，近日太太罕有除罩露面，拍拖睇戲相當恩愛。

吳大強曾在訪問中指自己遲婚，感謝太太多年來支持向太太表示愛意：「好想讓佢知道佢係我生命嘅一部份，特別係我早前身體不適，佢對我照顧有加。我要向佢講『I will always love you』，希望佢感受到我對佢無盡嘅愛。」Bill哥哥喺節目清唱《Yesterday once more》送畀太太。參加比賽以來吳太都低調陪伴左右。近日資深傳媒人汪曼玲，上載與大批好友入場看葉童新片《我愛你》，吳大強攜太太出席，吳太罕除罩亮相，一頭短啡髮戴上眼鏡外表年輕，夫唱婦隨相當賢淑。