吳玥彤親手整餅同陳美濤慶生 呢種蛋糕超特別全因壽星女個英文名
撰文：黃梓恒
出版：更新：
藝人吳玥彤Cayley親手整蕃茄蛋糕同陳美濤慶祝生日，Cayley 表示:「女仔都鍾意食甜品，如果我學識自己整第日仲可以做節目，所以去讀一個法國藍帶廚藝課程，完成咗仲攞咗證書㗎！美濤生日緊係畀佢試我嘅作品啦，淨係整士多啤梨蛋糕唔夠特別，佢英文名叫Tomato咁咪加啲蕃茄喺上面名符其實To mato 蛋糕。」
壽星女美濤表示驚喜: 「同Cayley一齊幫亞洲電視拍攝節目所以近排多咗接觸， 今年生日特別開心因為就快畢業，大家可以叫我陳博士啦！新書銷量都幾理想，又有新經理人去督促我發展幕前嘅事業，我哋正計劃創作同狗狗有關嘅新作品。」
最後經理人Tiffany表示:「簽了兩位三高藝人，學歷高身高顏值高，美濤係香港大學中國歷史系博士，而 Cayley擁有英國著名大學工商管理及市場系碩士學位，好多客戶巳洽談代言項目，又有排忙，正呀！」