西貢鯨魚｜網民斥政府應設禁船區 寶佩如有保留：花費大量人力

寶佩如昨晚（3/8）現身奧海城出席電影《極悍巨鯊2:深溝》首映禮。寶佩如受訪時表示：「我記得以前細個嘅時候睇過一套戲叫做《大白鯊》，睇完之後我係驚到唔敢去游水，驚水入面真係會有鯊魚，嗰陣時真係造成好大陰影。」

提到近日香港西貢一帶水域出現的布氏鯨魚，吸引大批市民租船出海，以極近距離包圍鯨魚「打卡」自娛。布氏鯨其後發現反肚漂浮海中央死亡，身上有多處疑由螺旋槳造成的新傷痕。寶佩如表示：「好慘呀，其實本身我都好想去睇佢，但因忙拍劇所以冇去到。但當我知道佢出咗意外走咗之後，我都覺得好驚訝，點解會咁？當然知道佢死咗，我係好唔開心，始終都係一個生命。」

對於有網民認為政府反應慢累死鯨魚，應該採取措施防止市民出海埋身觀鯨。寶佩如表示：「其實有好有唔好，佢始終都係野生，如果要用好大嘅工程，花費好多人力物力去阻止所以有人，變相要花費好多人力物力囉。反而我就覺得係要睇個人自唔自律，下次如果再有呢啲事，政府會唔會安排一隻獨有嘅觀光船俾我哋啲市民買飛去睇，變相其他船隻就唔可以出去嗰個海域，咁樣市民又睇得開心又安全。」