【不懂撒嬌的女人】鐵仁魏焌皓都鍾意成熟女人 骨折頂硬上照開工
《不懂撒嬌的女人》中，對Mall姐忠心耿耿的鐵仁，係前一晚終於對Mall姐表達自己對她的傾慕之情。在劇中兩人相差成十幾年，不過鐵仁就係鍾意呢一種大過自己的成熟女人。咁飾演鐵仁的魏焌皓(Nathan)又點睇大過自己嘅女生呢？在接受《香港01》訪問時他直言自己並不介意年齡這個問題，他說：「我比較睇重係一個女仔成唔成熟或者係處事方法。好似我呢啲比較大男人，做嘢好粗枝大葉，有好多生活上瑣碎事都可能處理得唔好，如果可以幫我處理到就更加好。同埋最緊要係溝通到，成熟啲嘅女仔會比較識得睇人眉頭眼額，相處落嚟係會開心啲，所以我唔介意女朋友係大過自己。」
其實Nathan同鐵仁都有不少相似的地方，劇中鐵仁曾經因為OT而暈倒在辦公室，作為演員的Nathan雖然唔會喺辦公室暈低，不過帶病入戲廠就經常會發生：「好平常喇，我哋做演員如果病咗就唔返工，就會影響好多人。一場戲爭一個就係爭一個，拍唔到就拍唔到，所以有時發燒嗰啲都要頂硬上。之前拍《使徒行者2》時，拍攝中途發生咗意外，隻手骨折同韌帶撕裂，為咗唔影響拍攝都決定拍晒先做手術。」
佢真係好大隻，睇吓下面啲圖就知。
為了Mall姐，鐵仁可以離開做了多年和待遇都不錯的傲星，因為失去了動力。在現實中，Nathan都曾經對自己的事業失去了方向，甚至想過放棄，他表示：「其實各行各業都絕對有自己嘅難處，甚至有好多問題都解決唔到。心灰意冷就一定有，特別演員呢個職業咁複雜，好多人都話係好似入咗一個大染缸。我經歷好多唔同嘅人或者唔同嘅事，你會見到有人行得比你快或是行得比你慢，無話邊個最好或者邊個最差，但有時都會唔開心，唯有自己調節喇，因為演員都好講運氣同機遇，一直咁灰都係解決唔到問題。」入了行九年，兩度想過放棄。第一次剛巧是香港電視開台，想過離開TVB，不過當時TVB開口希望他轉簽經理人合約，所以他便選擇繼續留下。第二次想放棄，又剛巧收到一個劇本，是一個他一直想演的角色，他直言那一刻自己的心情是「溫暖」了，所以又再一次決定留了下來。其實一個演員需要就是一個表演的機會，一個好的劇本，Nathan曾經因為《On Call 36小時》飾演張一康而受到不少觀眾賞識，可惜之後又是做回一些閒角，他覺得是因為當時入行只有三年，其實當時公司好多人都不認識他，可能大家都不知道這個角色的事，所以觀眾對他的認知比公司的人更加多。經過幾年的閒角浸淫，Nathan開始迎來自己的收成期，在近一兩年的劇集當中都能夠以男配角的身份出場，大家都看得出他的進步，可能年尾飛躍藝員會有他的名字也不出奇。