微辣前經理人阿晶疑遭欺凌燒炭身亡 區文詩：好多人都唔想見到
撰文：吳子生
出版：更新：
微辣前經理人阿晶（Jane）日前（25/7）凌晨於社交平台撰寫千字文控訴遭遭工作欺凌及被人恐嚇，身心受創患上了抑鬱症，隨後貼上照片，指自己已服食了兩排安眠藥。在下午時分再傳出阿晶在澳門家中燒炭身亡。事件引起網上很大迴響，網民紛紛湧入微辣藝人IG狂轟。
區文詩（Angela）昨晚（27/7）現身港台出席「SHOW 動音樂」迷你音樂會，就事件接受《香港01》訪問時表示：「其實我對呢一行嘅觸覺都唔敏銳，相對以前我仲做緊呢一行嘅時候，都會留意新聞，而呢單新聞我都望到，而自己都唔係好了解當中嘅細節係點，當然發生呢啲事心情都會唔開心，亦知道好多人都唔想見到。其實講到欺凌，由我讀書到入咗呢行我都試過，尤其細個嘅時都會將一啲唔開心嘅事都放都好大，明白呢個世界總有人唔鍾意自己，加上而家係互聯網，自己都試過被人喺網上批評。到我而家人大咗，我自己會識得調整自己心態，明白到講就好容易，但始終要調整自己心態先係最重要。」