吳海昕自爆Hot Toys珍藏塞滿房間　稱是達哥Fans：識唱佢首歌

吳海昕和「達哥」林慧韡現身《香港動漫電玩節2023》出席Hot Toys大型珍藏人偶展覽揭幕活動，吳海昕透露自己私下是動漫迷，更與哥哥收藏了不少Hot Toys人偶：「我暑假工第一份糧就係買Hot Toys。（而家有幾多珍藏？）都擺滿左間房，因為我搬咗出嚟住，而家變咗雜物房。（擺滿起碼過百萬？）咁又無咁多，但都多謝我阿哥努力做嘢，滿足我嘅願望。」

吳海昕更自爆平日亦有觀看達哥的打機片，更即唱哼出達哥的飲歌：「我一路都有睇達哥嘅打機片，一見到佢就唱佢嗰首飲歌，佢打恐怖game就會唱嚟振奮自己，佢聽到我唱得出呢首歌，好開心！」

吳海昕與閨密蘇皓兒早前結伴闖蒙古，她稱到埗第一日已不見電話，所以首兩日都在差館渡過：「幾特別嘅經歷，第三日就唔記得咗唔見電話嘅失落。我哋都有入鄉隨俗，兩、三日都冇沖涼，唔好睇我哋好女仔咁，其實我哋都好男仔頭，都唔著鞋周圍行，呢種形式先可以最深度體驗當地文化。」吳海昕更稱正提升自己的幽默感，為參演的舞台劇做準備，更透露將會一人分飾幾角。