林雅詩回港獲神秘猛男撐場傍到實 曾飽歷另一半出軌之苦
撰文：黃欣華
出版：更新：
《香港動漫電玩節2023 》將於明日（28日）開鑼，林雅詩（Grace）、陳美濤、洪杰（扈佳榮）等一眾藝人今日（27日）就率先參與品牌開幕。近年愛上Cosplay的林雅詩（Grace）早前就扮演知名動漫人物「不知火舞」獲讚，她謙虛表示：「開頭都覺得我呢個年紀得唔得呀？估唔到出嚟嘅效果又幾好，睇吓下一次有咩idea啦。」
林雅詩曾飽歷情傷，2005年嫁鋼鐵生意商人溫文英，婚後退出幕前專心相夫教子，可惜十年後老公出軌，二人離婚。之後，她與經理人馬天樂拍拖，可惜同樣遭到男方背叛，背住她與女助手一起，更與女助手育有一子，結果Grace自認是蠢女人並與馬天樂分手。而活動現場，一位手拿Prada袋的猛男Alex全程傍實林雅詩，非常細心，乍問之下，林雅詩尷尬稱：「好難答呀呢個問題，都知大家都希望有一個錫我嘅另一半，但期待啦，睇大家撞唔撞到我。（男朋友？）期待啦期待啦，而家嘅生活狀況、工作各方面都好開心。（囝囝都滿意嘅？）都支持嘅，各方面都支持。」