張紋嘉嫌棄男友林子傑五音不全　新歌Rap部份冇預佢

張紋嘉（Crystal）今日（25日）現身上環拍攝viutv新劇《總有一瓣》，她接受《香港01》訪問時表示：「生日好平淡咁過，都係睇戲同食飯。我同男朋友大家都太忙，而且我專注舞台劇嘅表演，同佢好難得先約到生日正日食飯！」被問到男友林子傑（Ronald） 有送什麼生日禮物，她笑稱並沒有，當天食飯已經當慶祝了。

至於今次與男朋友參演同一齣電視劇，她説這套電視劇並非跟對方演情侶角色，並表示：「當初casting呢齣戲嘅時候，導演係叫過我哋一齊去面試，本身仲擔心過呢個問題！」她表示自己其實雙方都不希望工作上有交接一起演戲，工作感情分開比較好。

提到今次演出的角色，她興奮分享：「我係一個魔女，好似細個睇卡通片嗰種，要扮得好靚，要講好多奇怪嘅咒語。」被問到有考慮與男朋友合唱新劇主題曲，她坦言對方五音不全，又笑指：「佢成日都叫我教佢唱歌嘅，又話點解出新歌唔搵佢合作唱Rap嘅部份。」音樂計劃方面，她笑説相隔四年，最近終於要推出新歌，不過目前沒有推出專輯或演唱會的計劃，專注在音樂劇上發展。