胡定欣看好15號莊子璇入港姐三甲　讚有劉佩玥影子：一樣咁甜美

視后胡定欣今日（21日）出席《東方女神2023》選美活動，宣布為9月舉行的選美賽事擔任評判。而剛完成《香港小姐競選2023》越南外景拍攝的她，在接受《香港01》訪問時激讚15號的莊子璇，更看好對方能進入三甲位置。

日前在越南擔任《香港小姐競選2023》表演嘉賓的胡定欣，有機會近距離接觸一班香港小姐，更對15號的莊子璇留下深刻印象，為其頒發《越南越愛香港小姐》獎項，更認為對方甚有劉佩玥（Moon）的影子。而在接受訪問時她講到：「我真係喺佢表演嘅時候覺得佢有劉佩玥嘅感覺，因為無論佢嘅笑容同聲線都同阿Moon一樣咁甜美嘅，所以就留咗一個深刻嘅印象。（睇好佢入三甲？）我諗佢應該有機會。」她更表示好期待一班佳麗在總決賽的表現。

而較早前密密現身內地工作的她，亦坦承多了內地工作接洽：「其實都希望密啲嚟多啲做，追返呢幾年嘅疫情，因為成個市道之前幾年都停咗，依家通番關公司同事都話多番好多啦，希望可以做返多啲啦。」她又表示接下來會忙為推出的新劇作宣傳。