譚詠麟病癒首次現身《溫拿》書展 瘦到見青筋 ：把聲唔係咁好

《溫拿樂隊》五虎譚詠麟（校長）、鍾鎮濤、彭健新、陳友及葉智強今日（21/7）現身灣仔書展出席「溫拿50由始至今」講座。五人在講座上談笑風生互爆趣事。早前譚詠麟在微博曬出近照，自爆暴瘦15磅，面容相當疲憊，今日他台上幽默說：「今日我要事先聲明，大家都知道我中暑，所以把聲唔係咁好。」陳友接著說：「有喜訊，佢瘦咗17磅。」令到台下歌迷引發笑聲。校長續說：「唔知係咪喜訊啦，總之keep住啦，而我覺得呢本書可以將我哋嘅友誼同我哋做過嘅嘢分享到俾大家知，就算冇當時嘅圖片，資深嘅歌迷都可以透過文字，當時嘅事年都會歷歷在目。」

書展2023門票購買詳情︰01空間

而陳友又大爆同校長「放屁」羅生門事：他說：「記得喺好耐之前，有一次我哋溫拿出去做嘢，我就同校長見得閒，於是就匿喺樓梯底度捉棋，突然之間爆咗一吓屁聲，我就即刻望向後面，係空無一人，然後我就望住校長，佢竟然話係我，我就話唔係我喎，咁所以呢件事到而家變咗羅生門。」校長笑說：「根本一啲羅生門都冇，我就最鍾意睇人忟嗰個樣嘅，佢愈忟我就愈係咁，講完。」引發台下笑聲不斷。