59歲古明華再有江門生意大計　搬新Office到舊工廠爛窗爛地勁污糟

現年59歲的古明華在內地轉戰飲食業，主力在江門發展，開茶餐廳撈到風生水起，近日更拓展飲食王國，到街邊擺小食檔吸納新客，仲邀請了前TVB藝人湯俊明幫手一齊執架生禦魚蛋，一日賺成800蚊生意額，頗有生意頭腦。

不過古明華又怎會滿足於此，原來他早已有下一步計劃。日前古明華於社交網拍片透露，打算「復活」江門舊單車廠，並坐言起行，將辦公室設址於此地。從外面可見，這間單車廠已經有一段歷史，無論是外部還是內部，都頗為破舊。走廊地下、樓梯都滿布樹葉及垃圾，窗戶破爛，牆壁斑駁有污漬，相當嚇人。

古明華就未驚過，同一班後生同事合力打掃翻新臨時辦公室，親力親為搬貨搬櫈，相當落力。經翻新後，辦公室變得乾淨明亮，古明華開心到從桌上跳下來。古明華又感嘆道，在江門已一年多，做了茶餐廳老闆，又有自己的直播團隊，他坦言相信夢想總有一日會實現。不少網友稱讚古明華為江門發展努力，有網友留言笑指：「讓劉德華投資呀，劉德華是江門人」，古明華回覆：「等緊張華哥」。

點擊睇古明華新Office：