菊梓喬爆養顏秘方 每日狂食十幾種保健食品：一口氣食二十幾粒
撰文：吳子生
出版：更新：
菊梓喬（Hana) 今日（14/7）現身銅鑼灣出席健康新產品發佈會。Hana表示：「其實我哋作為藝人，經常日夜顛倒工作，而且經常食冇定時，變咗難免會捱壞身體，皮膚都會差，咁所以而家我都會食一啲保健產品強化自己身體機能，令到自己可以有更好嘅精神狀態去應付唔同嘅工作，健康好咗皮膚自然又靚啦。（每日會食幾多種嘅保健產品？）其實我而家每日都食緊十幾種唔同嘅健康產品，而我每次食都會一口氣食二十幾粒落肚，同埋我都會飲好多唔同嘅補充劑，例如膠原蛋白抗養化，蘋果醋等等，變咗我每個月花費喺呢啲產品度都5位數，始終呢啲產品都唔平。」