鄧麗欣(Stephy)趁拍攝新戲《我談的那場戀愛》的空檔,做孝順女同阿媽去澳門一日遊,兼睇張學友演唱會。自認榴蓮之友嘅Stephy即興係IG開心Share靚相,相中睇得出佢勁享受食貓山王雪糕,個樣滋味到呢!佢話:「講個秘密你知,其實我去睇張學友演唱會之前,食左貓山王雪糕。好彩冇得入後台搵佢影相,如果唔係我一定會同佢講,我真係好鍾意聽你唱…歌㗎!」粉絲紛紛留言大讚Stephy,並搞笑表示:「我都諗緊如果鄧麗欣今年開演唱會,我可以入後台,我會同佢講咩!」
自認榴蓮之友嘅Stephy即興係IG開心Share靚相!(鄧麗欣IG:stboo) 相中睇得出Stephy勁享受食貓山王雪糕!(鄧麗欣IG:stboo) 做孝順女同阿媽去澳門一日遊!(鄧麗欣IG:stboo)