姜濤自爆曾提議公司雪藏一年　坦言：樓都買埋，冇乜必要再撈落去

姜濤昨日接受森美、小儀及梁嘉琪主持的商台節目《早霸王》訪問，同時宣傳新歌《DUMMY》。姜濤又重提自己今年初在「叱咤頒獎禮」上獻唱《鏡中鏡》突然走到台下的瘋狂表現惹來大量負評一事。他坦言並沒有後悔，因為當時是想抒發自己的情緒，又表示自己當時曾向公司要求雪藏他一年。姜濤笑言︰「樓都買埋，有地方可以收埋自己，都冇乜必要再撈落去，哈哈！」但他隨即稱只是說笑而已，不過經過當晚的演出後的確是想讓自己沉澱一下。而森美就讚姜濤性格直率，就是因為他的這份直率才會有那個演出。

姜濤的人氣金曲《蒙著嘴說愛你》曾紅到連黎明在個人演唱會上都公開唱過，可是他在節目中卻表示曾想過以後都不再唱《蒙著嘴說愛你》，因為這首歌是在疫情之下出現，當時大家都戴着口罩。姜濤說：「我覺得已經過咗去，疫情都過咗，又冇咩意慾再唱，雖然依家我都仲係蒙住。」小儀就潑他冷水說：「你一世都要唱呢首歌㗎喇！」姜濤即笑言：「我驚到4、50歲，去到嗰個年紀仲要cute cute。」