容祖兒貼音樂人舒文未成年激瘦舊相　頭髮濃密面尖尖一臉秀氣

容祖兒昨日貼出一張超舊相，裡面有兩個男人，她說：「這張相片中其中有位男人同我關，非常之密切，亦師亦友，請大家用心猜猜，試估出A：左定右？B：佢係邊個？」她更Hashtag了「#面目全非」但勁難估，睇完經理人霍汶希及音樂人何秉舜的留言，先知原來相中左邊身型瘦削、頭髮濃密的男人是音樂監製舒文，跟現在完全是兩個樣。

舒文是圈中頂級音樂監製，但近年見到她都是染了鮮色頭髮、身型偏胖、戴眼鏡，難怪大家認不出他。容祖兒自入行第一隻碟《未知》開始，就已跟舒文合作無間，除編曲、監製外，他亦為祖兒創作過部分歌曲，如《不容錯失》、《啜泣》，近年的《煙花紀》等，祖兒過往都貼過02、04、06年的舒文舊相，但至少不會令人覺得中了「面目全非腳」。

網民都對此十分驚訝，問：「當年仲未識染頭髮？」、「太難喇😂 如果之後買飛要答呢類問題先過到關，可能好多人都無得睇😝😝」、「舒文？我喺聲夢睇佢已經成個黎小田咁」、「歲月對他做了什麼😂😂😂」有人留言問到底當年舒文夠18歲未，竟獲本尊親自回覆：「未」