全民造星5｜Kakit跳《掂呀》獲尹光留言鼓勵　極速接job賺真銀

於《全民造星5》止步20強嘅Kakit，出局之後獲不少網民力撐，他與另一出局參賽者「做工佬」Ritchie在電視評論家方以文舉辦嘅「造星V民選」中，力壓KC、亨仔、Nathan，成功擠身三甲之內（第一名為Lyman），唔少網民都表示結果為「真民意」。

19歲嘅Kakit，為《造星V》放棄演藝學位，出局後，他已打算在明年重考演藝之前，好好把握時間在演藝圈一闖。他今日(3）上載了一條以尹光嘅新歌《掂呀》為背景音樂嘅跳舞片，並指「呢兩日面對海量式嘅安慰同鼓勵…我想同大家講聲…我！掂呀！」Kakit出po後，尹光隨即留言鼓勵：「俾多啲信心自己、繼續努力！」並叫Kakit星期3同佢一齊出席米線店宣傳活動！拍住尹光一齊掘金，Kakit應該唔怕冇嘢撈啦。