張建聲大方認戀新人陳嘉莉：我哋係認真發展！
撰文：溫菁莉
出版：更新：
伍詠薇及張建聲晚上於佐敦出席電影《3個綁匪7條心》煞科宴。伍姑娘直言今次可以同一眾年輕人合作，希望可以撞下火花，更點名戲中的張建聲及Eric kwok好奀皮，「佢地未拍攝前行埋會做好小學雞嘅行為，但要埋位拍好認真，但拍得好開心，work hard play hard。」
提到昨日宣佈有喜的胡杏兒，與對方份屬好友的伍姑娘就表示相當替對方開心，「你終於得左啦 ！我係公開平台已經恭喜佢，但私底下就未，我都要問下佢係咪雞仔先！。」而昨日母親節，伍姑娘就收到契仔魔童份禮物，「佢好乖每年都有送花俾我。因為我出名唔出街食飯，成班朋友已經放棄左我。但好多謝魔童、chilam同靚靚。」
首次與伍姑娘合作的張建聲直言，今次拍得好開心，「我之前好驚佢，因為好有氣勢。但熟落之後，發覺佢好玩得，每日拍戲好似玩。」提到早前與同公司的陳嘉莉(Kelly)傳出戀情，Justin亦大方承認與kelly交往中，他透露二人都是雙魚座而價值觀都一樣，「睇嘅嘢都好似所以就咁開始咗。而同圈中女仔拍拖都知道工作時間，會比較體諒我。」提到公司戀愛會否大壓力？Justin指，「我地係認真發展，所以公司都好支持。」