黃鴨漏氣｜李婉華開LIVE直擊泄氣一刻　余香凝母女打氣︰快啲好番

闊別香港十年，巨型吹氣黃鴨再次來到香港，帶埋朋友仔兩隻鴨齊齊現身維港，荷蘭藝術家霍夫曼創作的《橡皮鴨二重暢》6月10日正式開放，未料到有如十年前一樣，下午1時50分左右，其中一隻鴨懷疑「漏氣」，「屍體」在水面飄浮，只剩另一隻黃鴨孤伶伶一個，余香凝及李婉華都剛巧身處現場目擊黃鴨消失一刻。

余香凝與囡囡趁首日開放，到場與兩隻黃鴨打卡，未料到見證海上黃鴨兩隻變一隻，留言謂：「去睇Duck Duck有隻爆左🥺🥺希望佢快啲好番。」而剛返港的李婉華在黃鴨漏氣一刻，正在海傍做直播全程直擊，見到泄氣一刻全場驚呼，李婉華心痛表示：「好唔抵呀今日第一日咋，好彩頭先都影到啲，同埋呢個歷史性時刻畀我地全程捕捉到。」